သာယာဝပြောရေးနှင့် ကြံ့ကြံ့ခံနိုင်မှု

1. ဖြစ်နိုင်လျှင် ပုံမှန်ညအိပ်ချိန်နှင့် ကောင်းမွန်သော အိပ်ရာအနေအထား စတင်ခြင်းအပါအဝင် ကောင်းမွန်သောအိပ်စက်ခြင်းကို ထိန်းသိမ်းပါ။

အိပ်စက်ခြင်းသည် ကျန်းမာရေးနှင့် သာယာဝပြောရေးအတွက် အရေးကြီးတယ်။ ပုံမှန်အရွယ်ရောက်ပြီးသူသည် ညကို ခုနစ်နာရီမှ ကိုးနာရီအထိ အိပ်စက်ရန် လိုပါသည်။ လုံလုံလောက်လောက် မအိပ်စက်ရပါက သင်၏လှုပ်ရှားလုပ်ကိုင်ချိန် အခြေအနေတော်တော်များများကို ထိခိုက်စေနိုင်သည်။ အိပ်ရေးမဝခြင်း သို့မဟုတ် အိပ်စက်ရာတွင် အနှောင့်အယှက်ဖြစ်ခြင်းသည် သင်၏စိတ်ခံစားမှု၊ အာရုံစူးစိုက်မှုနှင့် မှတ်ဉာဏ်ကို ထိခိုက်စေနိုင်ပြီး ဥပမာအားဖြင့် အချိန်ကြာလာပါက ကိုယ်ခံအားနည်းလာနိုင်၍ သွေးပေါင်ချိန်တက်လာနိုင်သည်။ ကောင်းစွာအိပ်စက်လေ့ရှိသည်ဖြစ်စေ၊ ညဘက် အိပ်စက်ရာတွင် အခက်အခဲရှိသည်ဖြစ်စေ၊ အိပ်စက်ခြင်း အလေ့အကျင့်ကောင်းကို ထိန်းသိမ်းရန် အရေးကြီးပါသည်။

အိပ်စက်ရန်အတွက် အေးမြ၊ မှောင်မိုက်၍ တိတ်ဆိတ်သော ဝန်းကျင်ကို တတ်နိုင်သမျှ အကောင်းဆုံး ဖန်တီးကြည့်ပါ။ ဖြစ်နိုင်ပါက သင့်ဖုန်းအပါအဝင် အလုပ်လုပ်ရသည့် အရာမှန်သမျှကို သင်အိပ်စက်ရာနေရာမှ ဖယ်ရှားထားပါ။ မအိပ်ခင် တစ်နာရီအလိုတွင် အစားစားခြင်း၊ သောက်သုံးခြင်း (အထူးသဖြင့် အရက်နှင့် ကဖိန်းဓာတ်)၊ ဆေးလိပ်သောက်ခြင်း၊ ဖန်သားမျက်နှာပြင် ကြည့်ရှုခြင်း၊ လေ့ကျင့်ခန်းလုပ်ခြင်းအပါအဝင် လှုပ်လှုပ်ရှားရှားလုပ်ဆောင်မှုအားလုံးကို ရှောင်ကြဉ်ပါ။ သင်၏စိုးရိမ်မှုများ၊ ပြုလုပ်ရန်စာရင်းတို့ကို တစ်ဖက်တွင် ထားကြည့်ပြီး အနားယူ၊ အပန်းဖြေသည့် အခြေအနေကို သတိထားမြှင့်တင်ပါ။ ဖြစ်နိုင်လျှင် ညတိုင်းကို အချိန်တစ်ခုတည်းတွင် အိပ်ရာဝင်ပြီး မနက်တိုင်းလည်း အချိန်တစ်ခုတည်းတွင် အိပ်ရာထပါ၊ အိပ်ရာထပြီးသည်နှင့် သဘာဝအလင်းရောင်ရှိသည့် အပြင်ကို ထွက်ပေးခြင်းသည် သင့်တော်ပါသည်။ နေ့ခင်းဘက်တွင် ပုံမှန်လေ့ကျင့်ခန်းပြုလုပ်ခြင်းသည်လည်း အိပ်စက်မှု ကြာချိန်နှင့် အိပ်စက်နိုင်မှုကို မြှင့်တင်ပေးနိုင်မည်။

သင့်အိပ်စက်နိုင်မှုနှင့် အိပ်စက်မှုပမာဏ သို့မဟုတ် သင့်ပုံမှန်အိပ်စက်မှု/နိုးထမှု အချိန်ဇယား၏ ရုတ်တရက် မရေရာသည့်အပြောင်းအလဲများအပေါ် သတိထားပါ။ အိပ်စက်မှု နေ့စဉ်မှတ်တမ်းကို သို့မဟုတ် သို့မဟုတ် ကဲ့သို့ ခြေရာခံအက်ပ်ကို သုံးခြင်းသည် သင့်အား အပြောင်းအလဲများ ဖော်ထုတ်ရာတွင် အကူအညီဖြစ်စေနိုင်သည်။ သင့်အိပ်စက်ခြင်းပုံစံမှ အပြောင်းအလဲများသည် အထက်ပါလမ်းညွှန်ချက်များကို သုံးပြီး သင်၏အိပ်စက်ခြင်းကို အာရုံစိုက်ရန် လိုအပ်နေသည်ဟု ပြသနိုင်သည်။ သင်အိပ်စက်ရာတွင် ကောင်းမွန်မှုမရှိလာပါက ကျန်းမာရေးစောင့်ရှောက်ပေးသူ သို့မဟုတ် စိတ်ကျန်းမာရေးပညာရှင်နှင့် တိုင်ပင်ဆွေးနွေးသင့်ပါသည်။ အိပ်မပျော်ခြင်း၊ အိပ်စက်နေစဉ် အသက်ရှုမမှန်ခြင်း၊ ဒူး၊ခြေ လှုပ်သည့်ရောဂါတို့ကဲ့သို့သော အိပ်စက်မှုဆိုင်ရာ ရောဂါများသည် တွေးခေါ်လုပ်ဆောင်မှု ပြောင်းလဲပေးသည့်ကုထုံး (CBT) သို့မဟုတ် ဆေးဝါးကုသမှုကဲ့သို့သော ပညာရှင်အထောက်အပံ့မှ အကျိုးကျေးဇူးရရှိနိုင်သည်။

2. အစာပုံမှန်စားပြီး အာဟာရရှိသော ဓာတ်စာများအတိုင်း ထိန်းသိမ်းစားသောက်ပါ။

ကျွန်ုပ်တို့ ရွေးချယ်ထားသော အစားအစာ၊ ၎င်းကို စားသောက်မည့်အချိန်နှင့် စားသုံးမည့်ပမာဏအားလုံးတို့သည် ကျွန်ုပ်တို့ကျန်းမာရေးနှင့် သာယာဝပြောရေးအတွက် အလွန်အရေးပါလှသည်။ ကျွန်ုပ်တို့၏စွမ်းအင်အဆင့်များ၊ စိတ်ခံစားမှု၊ လုပ်ဆောင်ချက်နှင့် ရေရှည်ကျန်းမာရေးအားလုံးသည် ကျွန်ုပ်တို့နေ့စဉ် အစားအစာရွေးချယ်မှုများကြောင့် ထိခိုက်တတ်ပါသည်။

ကျွန်ုပ်တို့လုပ်သောအလုပ်သည် ခက်ခဲနိုင်သည်၊ တစ်ခါတစ်ရံတွင် စိတ်ဖိစီးသောနေ့ကို ကျော်ဖြတ်နိုင်ရန် ကဖိန်းဓာတ်ပါသော သို့မဟုတ် သကြားဓာတ်ပါသော မုန့်များအပေါ် အားပြုချင်လာတတ်သည်။ ထိုနည်းတူစွာ မအားမလပ်သော အချိန်ဇယားများသည် အချိန်အခါအလိုက်စားသင့်သော အစာများကို လွတ်သွားစေနိုင်သည် သို့မဟုတ် ညဘက် နောက်ကျမှ အစာစားခြင်းကဲ့သို့ ပုံမှန်မဟုတ်သည့်အချိန်တွင် စားဖြစ်စေနိုင်သည်။ ထိုရွေးချယ်မှုများကြောင့် သင်၏သွေးတွင်းသကြားဓာတ်အဆင့်များကို အနှောင့်အယှက်ဖြစ်စေပြီး ယိုယွင်းစေနိုင်သည်၊ လိုအပ်သည်ထက်ပို၍ ကစီဓာတ်များကို စားသုံးချင်စိတ် ဖြစ်ကျန်ခဲ့နိုင်သည်။ အာဟာရ၊ ဓာတ်စာ ရေရှည်ချို့တဲ့မှုသည် ကျန်းမာရေးပြဿနာများဖြစ်သော အဝလွန်ရောဂါ၊ ဆီးချိုရောဂါနှင့် သွေးတိုးရောဂါတို့ကို ဖြစ်စေနိုင်သည်။ ထို့ကြောင့် မည်သည်တို့ကို စားသင့်သည်၊ မည်သည့်အချိန်တွင် စားသင့်သည်ဟူသောအချက်နှစ်ချက်စလုံးအတွက် အသိရှိရှိ ဆုံးဖြတ်နိုင်ရန်အရေးကြီးပါသည်။

ထိုမှသာ ရှေ့ပြေးစီစဉ်ရန်အတွက်နှင့် သင်ပင်ပန်းသည့်အခါဖြစ်စေ၊ ဆာလောင်သည့်အခါဖြစ်စေ အာဟာရရှိသော အစားအစာနှင့် မုန့်များ စားနိုင်ရန်အတွက်နှင့် ဈေးဝယ်မထွက်ရန်အတွက် အကူအညီဖြစ်နိုင်သည်။ ပရိုတင်းဓာတ်မြင့်မားစွာ ပါဝင်ပြီး မကျေလွယ်သော၊ အသွင်ပြောင်းအဆီဓာတ်များ နည်းပါးစွာ ပါဝင်သည့် အစားအစာများကို ရွေးချယ်ပါ (သင့်ဓာတ်စာတွင် မပြည့်ဝဆီ ပမာဏအနည်းငယ် စားသုံးရန် အရေးကြီးသော်လည်း) အသီးအနှံ၊ ဟင်းသီးဟင်းရွက်အမျိုးမျိုးကို အနည်းဆုံး ငါးပုံမှ ခုနစ်ပုံ(80 ဂရမ်စီ) နေ့တိုင်းစားပါ။

ရေဓာတ်ပြည့်ဝအောင် နေခြင်းဖြင့်လည်း စွမ်းအင်အဆင့်များနှင့် တစ်နေ့တာ အာရုံစူးစိုက်မှုကို ထိန်းသိမ်းရာတွင် အကူအညီဖြစ်စေမည်။ တစ်နေ့လျှင် အရည်မည်မျှ သောက်သုံးရန်လိုအပ်ကြောင်း တရားဝင်အကြံပြုချက်များသည် နိုင်ငံတစ်နိုင်ငံနှင့် တစ်နိုင်ငံ မတူညီကြပါ၊ သို့သော် ယေဘုယျအားဖြင့် နှစ်လီတာဝန်းကျင်ခန့် ဖြစ်ပါသည် (ကျွန်ုပ်တို့စားသုံးသော အစားအစာမှ အရည် ငါးပုံတစ်ပုံခန့် ပါဝင်ပြီး)။ ယေဘုယျအားဖြင့် အနည်းဆုံး အစာစားနေစဉ်နှင့် အစာစားချိန်များအကြား၊ လေ့ကျင့်ခန်း သို့မဟုတ် ကိုယ်ကာယလှုပ်ရှားမှု မပြုလုပ်ခင်၊ ပြုလုပ်နေစဉ်နှင့် ပြုလုပ်ပြီးသည့်အခါနှင့်၊ ရေဆာပါက ရေတစ်ခွက် သောက်လျှင် အဆင်ပြေပါသည်။

3. လမ်းလျှောက်ခြင်း၊ လေ့ကျင့်ခန်းလုပ်ခြင်း သို့မဟုတ် အားကစားလုပ်ခြင်းတို့ကို ပုံမှန်လုပ်ဆောင်ပါ။

ပုံမှန်လေ့ကျင့်ခန်းလုပ်ခြင်းဖြင့် ကျွန်ုပ်တို့၏ နှလုံးသွေးကြောဆိုင်ရာ ကျန်းမာရေးကောင်းမွန်လာခြင်းနှင့် ခန္ဓာကိုယ်ကြံ့ခိုင်လာခြင်း၏ သိသာထင်ရှားသော ရုပ်ပိုင်းဆိုင်ရာ အကျိုးသက်ရောက်မှုများအပြင် အကျိုးကျေးဇူးများစွာ ရှိပါသည်။ လေ့လာမှုက ပြသထားသည်မှာ ပုံမှန်လေ့ကျင့်ခန်းလုပ်ခြင်းသည် စိတ်ဖိစီးမှုကို တုံ့ပြန်ရန်၊ စိုးရိမ်ပူပန်မှုကို လျှော့ချရန်၊ မိမိကိုယ်ကို ပိုမိုတန်ဖိုးထားတတ်ရန်နှင့် ပိုမိုကောင်းမွန်စွာ အိပ်စက်နိုင်ရန် အကောင်းဆုံးနည်းလမ်းများထဲမှ တစ်ခုဖြစ်ပါသည်။ လေ့ကျင့်ခန်းလုပ်ခြင်းသည် နာကျင်မှုနည်းပါးစေသော ဟော်မုန်းများနှင့် အခြားအာရုံကြောဆဲလ်များ ဆက်သွယ်ပေးသည့် ဟော်မုန်းများ (အချက်ပြဟော်မုန်းများ)ဖြစ်သည့် ပျော်ရွှင်စေသော ဟော်မုန်း၊ တက်ကြွစေသော ဟော်မုန်းနှင့် စိတ်ကြည်လင်စေသော ဟော်မုန်းတို့ကို ထုတ်လွှတ်ပေးသည်။ ဦးနှောက်ဟော်မုန်းများအားလုံးသည် စိတ်ခံစားမှု ထိန်းရန်နှင့် စိတ်ဖိစီးမှုအဆင့်များ လျှော့ချရန် အရေးကြီးအခန်းကဏ္ဍမှ ပါဝင်ကြပါသည်။

ပြေးခြင်း၊ အေရိုးဗစ်ကစားခြင်းနှင့် အားကစားလုပ်ခြင်းအပါအဝင် ပိုမိုပြင်းထန်သော လေ့ကျင့်ခန်းသည် အကောင်းဆုံးသော ရုပ်ပိုင်းဆိုင်ရာ ကျန်းမာရေးအကျိုးကျေးဇူးများကို ပေးနိုင်မည်။ ခပ်သွက်သွက် လမ်းလျှောက်ခြင်း သို့မဟုတ် စက်ဘီးစီးခြင်းကဲ့သို့ လှုပ်ရှားမှုအသင့်အတင့်ပြုလုပ်ခြင်းသည်ပင်လျှင် အထူးသဖြင့် အထိုင်များသည်ကို လျှော့ခြင်းနှင့်အတူ ၎င်းလှုပ်ရှားမှုများကို ပေါင်းစည်းလုပ်ဆောင်ပါက နေ့စဉ်လုပ်ရိုးလုပ်စဉ် တစ်စိတ်တစ်ပိုင်းတွင် ကောင်းမွန်သော အကျိုးသက်ရောက်မှုများရှိလာမည်ဖြစ်သည်။ ယောဂ သို့မဟုတ် အားစိုက်ထုတ်ပြီး ဥယျာဉ်စိုက်ပျိုးခြင်းကဲ့သို့ သင်၏အဓိကကြွက်သားများ သန်မာစေနိုင်သည့် လှုပ်ရှားမှုများ ထည့်သွင်းထားခြင်း။ ခြုံငုံကြည့်ပါက ပါဝင်လုပ်ဆောင်သင့်သည်ဟု ခံစားရသော်လည်း မကြာခဏဆိုသလို အလုပ်မဖြစ်နိုင်သည့် တင်းကျပ်သောစနစ်တစ်ခုကို ချမှတ်မည့်အစားလုပ်ဆောင်ရသည်ကို ကြိုက်နှစ်သက်သော၊ သင်လုပ်ဆောင်လိုသော လှုပ်ရှားမှုများ ရွေးချယ်ပါက အကူအညီဖြစ်ပါမည်။ သင်သည် လှုပ်ရှားသွားလာနိုင်စွမ်းမရှိပါက သို့မဟုတ် လှုပ်ရှားသွားလာမှုနှေးပါက အေရိုးဗစ်လှုပ်ရှားမှုများနှင့် သင်၏ကိုယ်ကာယလုပ်နိုင်စွမ်းနှင့် ကိုက်ညီသော ကိုယ်ခံအားနှင့် အကွေးအဆန့်လေ့ကျင့်ခန်းများ ရှိလိမ့်မည်။

သင့်အချိန်ဇယားတွင် ပုံမှန်လေ့ကျင့်ခန်းနှင့် ကိုယ်ကာယလှုပ်ရှားမှုများ ထည့်သွင်းထားခြင်းဖြင့်လည်း သင့်အား အားလပ်ချိန်များ ယူနိုင်ရန်နှင့် ပိုမိုကျန်းမာသော အလုပ်-ဘဝ ဟန်ချက်ကို ထိန်းထားရန် တွန်းအားပေးဖြစ်စေမည်။ အဖွဲ့တစ်ဖွဲ့၏ အဖွဲ့ဝင်ဖြစ်ခြင်းသည် ပိုမိုသာယာဝပြောစေနိုင်သည့် ဘုံရည်မှန်းချက်များ၊ လူမှုအဆက်အသွယ်များနှင့် ချိတ်ဆက်မှုအသိကို ပေးစွမ်းသောကြောင့် အချို့သူများအတွက် အဖွဲ့လိုက်အားကစားနှင့် အခြားသော လူအချင်းချင်းစုဝေးလုပ်ဆောင်သည့် ကိုယ်ကာယလှုပ်ရှားမှုများသည် ထပ်ဆောင်းအကျိုးကျေးဇူးများကို ပေးနိုင်ပါသည်။

4. ရုပ်ပိုင်းဆိုင်ရာနာမကျန်းမှု သို့မဟုတ် ထိခိုက်ဒဏ်ရာကိုဖြေရှင်းပါ၊ ကုစားရန်အတွက် သင့်ကိုယ်သင် အချိန်ပေးပါ။

ဖျားဖို့နာဖို့ အချိန်မရှိလောက်အောင် ကျွန်ုပ်တို့အလုပ်က အရမ်းအရေးကြီးပြီး အလုပ်အရမ်း ဝန်ပိတယ်လို့ ယုံကြည်ချင်လာတယ်။ အမှန်တကယ်မှာ မကျန်းမာချိန်တွင် အလုပ်ဆက်လုပ်နေခြင်းသည် အချိန်တိုအတွင်း ပြန်လည်ကျန်းမာလာခြင်းနှင့် ရေရှည်ကျန်းမာပျော်ရွှင်ရေး နှစ်ခုလုံးအတွက် ထိခိုက်နိုင်သည်။ သင်သည် နာမကျန်းမှုနှင့် ထိခိုက်ဒဏ်ရာတို့ကို လျစ်လျူရှုထားလေ့ရှိပါက ပိုမိုပြင်းထန်သော နာတာရှည်ကျန်းမာရေးအခြေအနေများ ဖြစ်လာအောင် သင်ကိုယ်တိုင် ပြုလုပ်နေခြင်းဖြစ်သည်။ သင်သည် အကိုက်အခဲပျောက်ဆေးများ အလွန်အကျွံသောက်သုံးခြင်း သို့မဟုတ် ကဖိန်းဓာတ်ပါသည်များကို အလွန်သောက်ခြင်းကဲ့သို့သော ကျန်းမာရေးအတွက် မကောင်းသည့် ဖြေရှင်းနည်းများအပေါ် အမှီသဟဲပြုလာနိုင်သည်။ အချုပ်ဆိုရသော် ထိထိရောက်ရောက် အလုပ်လုပ်နိုင်လောက်အောင် ကျန်းမာချင်ပါက ရပ်တန့်၊ အနားယူပြီး ပြန်လည်အားဖြည့်ခြင်းသည် အကြံကောင်းဖြစ်နိုင်ပါသည်။

ဖျားနာနေရင်း အလုပ်လုပ်ခြင်းသည် အခြားသူများကိုလည်းထိခိုက်စေနိုင်သည်။ ကူးစက်ရောဂါများသည် ပတ်ဝန်းကျင် သို့မဟုတ် အလုပ်နေရာအနှံ့ အလွယ်တကူ ပျံ့နှံ့နိုင်ပြီး လက်ခံသူနှင့် အခြားသော အလုပ်အတူလုပ်သူများထံ ကူးစက်နိုင်သည်။ ကျွန်ုပ်တို့သည် အလုပ်တွင်ရှိနေသော်လည်း စိတ်အနှောင့်အယှက်ဖြစ်စရာကောင်းပြီး အာရုံမစိုက်နိုင်ဘဲ အလုပ်တွင် ထိရောက်မှုမရှိသည့်အခါ ကျွန်ုပ်တို့ လုပ်ဖော်ကိုင်ဖက်များ၏ အလုပ်ထိရောက်မှုနှင့် ကျန်းမာပျော်ရွှင်မှုကိုလည်း ထိခိုက်စေနိုင်ပါသည်။

ရုပ်ပိုင်းဆိုင်ရာ ရောဂါလက္ခဏာများသည် စိတ်ပိုင်းဆိုင်ရာ ဖိအားများနှင့် ချိတ်ဆက်မှုရှိ၊မရှိ ဖော်ထုတ်ရန် အရေးကြီးပါသည်။ ခေါင်းတစ်ခြမ်းကိုက်ရောဂါနှင့် စိတ်ရှုပ်စရာကောင်းသော အူသိမ်အူမ ရောဂါလက္ခဏာကဲ့သို့ ရုပ်ပိုင်းဆိုင်ရာ အခြေအနေများသည် တစ်စိတ်တစ်ပိုင်းအားဖြင့် စိတ်ဖိစီးမှုနှင့် စိုးရိမ်ပူပန်မှုတို့ကြောင့် ဖြစ်နိုင်သည်။ သင်ဖျားနာရခြင်း သို့မဟုတ် ထိခိုက်ဒဏ်ရာရခြင်း၏ နောက်ကွယ်မှ အကြောင်းရင်းမှာ မည်သည်ပင်ဖြစ်စေကာမူ မိမိကိုယ်ကို ဂရုစိုက်ခြင်းနည်းလမ်းဖြင့် ကုစားရန် အချိန်ပေးပါ။ ဤတွင်ရှိသော အိပ်စက်ခြင်း၊ ဓာတ်စာ၊ လေ့ကျင့်ခန်း၊ တရားထိုင်ခြင်း၊ မူးယစ်ဆေးနှင့် အရက်သေစာ ရှောင်ကြဉ်ခြင်းနှင့် ရင်းနှီးသော မိတ်ဆွေများ၊ မိသားစုနှင့် အဆက်အသွယ်ရှိခြင်းတို့နှင့် ပတ်သက်သော လမ်းညွှန်ချက်ကို လိုက်နာပါ။ စိုးရိမ်ပူပန်မှုများရှိပါက ကျန်းမာရေးစောင့်ရှောက်ပေးသူတစ်ဦးနှင့် ဖြစ်နိုင်လျှင် ချက်ချင်း စကားပြောဆိုပါ။

5. နေ့စဉ်မိမိကိုယ်ကို ပြန်လည်သုံးသပ်ခြင်းနှင့် ဆင်ခြင်သုံးသပ်တတ်သော အလေ့အကျင့်ကို ဆောင်ရွက်ပါ။

ကျွန်ုပ်တို့၏ မိသားစု၊ လူအဖွဲ့အစည်းများနှင့် လုပ်ငန်းခွင်များအတွင်း ရှုပ်ထွေးသော အခန်းကဏ္ဍပေါင်းစုံ ရှိပါသည်။ အများစုအတွက် ဒီဂျစ်တယ်ခေတ်ဆိုသည်မှာ ကျွန်ုပ်တို့ကို လုပ်ဖော်ကိုင်ဖက်များနှင့် အခြားသူများမှ မည်သည့်အချိန်၊ မည်သည့်နေရာတွင်မဆို ဆက်သွယ်နိုင်ခြင်းကို ဆိုလိုသည်။ ဆိုရှယ်မီဒီယာနှင့် 24/7 သတင်းစက်ဝန်းတွင် ကျွန်ုပ်တို့ စဉ်ဆက်မပြတ် အာရုံစိုက်လာကြသည်။ ဤနောက်ခံဖြစ်စဉ်ကို ဆန့်ကျင်၍ အလွန်အကျွံဖြစ်ခြင်းအတွက် နေရာတစ်ခုထားရန် အရေးကြီးပါသည်။

နေ့စဉ်လှုပ်ရှားမှုများစွာသည် မိမိကိုယ်ကို ပြန်လည်သုံးသပ်ခြင်းနှင့် ဆင်ခြင်သုံးသပ်ခြင်းအတွက် အကူအညီဖြစ်နိုင်သည်။ ဤသည်တို့တွင် သတင်းရေးသားခြင်း၊ စာဖတ်ခြင်း၊ ဥယျာဉ်ခြံစိုက်ခြင်း၊ ချက်ပြုတ်ခြင်း သို့မဟုတ် သီချင်းနားထောင်ခြင်းတို့ ပါဝင်ပါသည်။ ထိုကဲ့သို့လှုပ်ရှားမှုများသည် ကျွန်ုပ်တို့၏ ဟန်ချက်ညီနေထိုင်ရန် အသိ၊ တာဝန်သိစိတ်နှင့် ကျန်းမာပျော်ရွှင်မှုကို မြှင့်တင်ပေးနိုင်သည်။ ဒါ့အပြင် ကျွန်ုပ်တို့စိတ်ကို အေးချမ်းစေရန်၊ ကျွန်ုပ်တို့ခန္ဓာကိုယ်ကို ထိန်းချုပ်နိုင်စေရန်နှင့် ငြိမ်းအေးမှုနှင့် ရောင့်ရဲတင်းတိမ်မှု အသိ ပိုမိုရရှိစေရန် ကူညီပေးသည့် အတွင်းစိတ်ကို ရှေးရှုသော သို့မဟုတ် စိတ်ပိုင်းဆိုင်ရာ အလေ့အကျင့်များစွာ ရှိပါသည်။

တရားထိုင်ခြင်းသည် ရောင့်ရဲတင်းတိမ်မှု အလေ့အကျင့်ဖြစ်ပြီး အရာဝတ္ထုတစ်ခု၊ အတွေးတစ်စ၊ အသံတစ်သံ၊ အမြင်အာရုံတစ်ခု၊ လှုပ်ရှားမှုတစ်ခု၊ သို့မဟုတ် အသက်ရှုခြင်းအပေါ် အာရုံစိုက်ထားခြင်းဖြစ်သည်။ ဝိပဿနာတရားကျင့်ကြံအားထုတ်ခြင်းသည် ၎င်း၏ထိရောက်မှု ပိုမိုထင်ရှားလာသည်နှင့်အညီ ပြီးခဲ့သည့်နှစ်များက အလွန်ရေပန်းစားလာခဲ့သည်။ ကရုဏာသည် ဝေဖန်ပိုင်းခြားခြင်းမရှိဘဲ တစ်ခဏအတွင်း ဖြစ်တည်သည်ကို သိမြင်တတ်သော စိတ်ပိုင်းဆိုင်ရာအခြေအနေတစ်ခု ဖြစ်ပါသည်။ စိတ်ဖိစီးမှု၊ အာရုံစူးစိုက်မှုနှင့် စိတ်ခံစားချက်အရ တုံ့ပြန်မှုအပေါ် ကောင်းကျိုးရှိကြောင်း သက်သေပြခဲ့ပြီးဖြစ်သည်။ ပြည်တွင်းရှိ ရိုးရာအစဉ်အလာများစွာရှိသော တရားအားထုတ်သည့်အတန်းများကို တက်ရောက်နိုင်သလို၊ စာအုပ်တစ်အုပ် အကူအညီဖြင့်ဖြစ်စေ၊ Calm သို့မဟုတ် Headspace ကဲ့သို့သော နေ့စဉ် တစ်ဦးတည်း အားထုတ်မှုကို။

သင်သည် ယုံကြည်သက်ဝင်သူတစ်ဦးဖြစ်ပါက တရားအားထုတ်ခြင်း ဆောင်ရွက်ရန် သင့်ဘဝအတွက် အုတ်မြစ်တစ်ခုဖြစ်နေခဲ့ပြီး၊ တရားအားထုတ်နေသော ဆုတောင်းသူဖြစ်၍ တရားအားထုတ်ခြင်းရှိ လေးနက်သော အဓိပ္ပါယ်နှင့် အခြားသော စိတ်ပိုင်းဆိုင်ရာ အလေ့အကျင့်များကို ရှာတွေ့လာနိုင်ပါသည်။

လှုပ်ရှားခြင်းဖြင့် မိမိကိုယ်ကို ပြန်လည်သုံးသပ်မှုကိုလည်း အားကောင်းစေနိုင်သည်။ ဥပမာအားဖြင့် ယောဂသည် ကျန်းမာရေးကို အားပေးသော ရှေးဟောင်းအလေ့အကျင့်တစ်ခုဖြစ်ပြီး ကိုယ်အနေအထားများ သို့မဟုတ် ကိုယ်ဟန်များဖြင့် အကြောလျှော့ အပန်းဖြေခြင်းဖြစ်၍ အသက်ရှုခြင်း၊ တရားထိုင်ခြင်းဖြင့် လုပ်ဆောင်ပါသည်။ ရုပ်ပိုင်းဆိုင်ရာ ကောင်းကျိုးများနှင့်အတူ စိတ်ဖိစီးမှု၊ စိုးရိမ်ပူပန်မှုနှင့် စိတ်ဓာတ်ကျမှုတို့ကို လျှော့ချပေးနိုင်ပြီး ကောင်းစွာ အိပ်စက်နိုင်စေသည်။ သဘာဝတရားကို ခံစားပြီး လမ်းလျှောက်ခြင်းကဲ့သို့ အခြားသော ကိုယ်လက်လှုပ်ရှားမှုပုံစံများသည် အပန်းဖြေခြင်းနှင့် ငြိမ်းအေးမှုသဘောကို တိုးစေနိုင်သော သင်၏နည်းလမ်းဖြစ်နိုင်သည်။

6. စိတ်ဖိစီးမှု သို့မဟုတ် စိတ်ဒဏ်ရာကို ကုစားသည့်နည်းလမ်းအဖြစ် မူးယစ်ဆေး သို့မဟုတ် အရက်သေစာ မသုံးစွဲပါနှင့်။

မူးယစ်ဆေး အပျော်သုံးစွဲခြင်းသည် ကျန်းမာရေးနှင့် သာယာဝပြောရေးအတွက် ရှုပ်ထွေးသောပြဿနာများကို ဖြစ်စေသည်။ တစ်ဦးချင်းအလိုက်၊ လူ့အဖွဲ့အစည်းအလိုက်၊ လူ့အသိုင်းအဝိုင်းအလိုက် တရားဥပဒေနှင့် ညီခြင်း၊ မကောင်းမှုမှ ရှောင်ကြဉ်ခြင်းဆိုင်ရာ မေးခွန်းများနှင့် အန္တရာယ်ဟူသော အယူအဆအပေါ်တွင် သဘောထားအမျိုးမျိုးရှိသည်။ သင်သည် သင်နေထိုင်ရာ နိုင်ငံ၏ ဥပဒေကို ချိုးဖောက်နေပါက သင့်အသက်မွေးဝမ်းကြောင်းနှင့် သင့်မိသားစုဘဝကို အန္တရာယ်တွင်းသို့ ကျရောက်စေမည်ကို သတိထားပါ။

လူ့အသိုင်းအဝိုင်းများစွာတွင် လူမှုရေးအရ လက်သင့်ခံနိုင်သော စိတ်ကြွစေသည့်အရာအနေဖြင့် အရက်သေစာသည် တစ်ခုတည်းသော စိန်ခေါ်မှုဖြစ်သည်။ အလုပ်များသော သို့မဟုတ် စိတ်ဖိစီးမှုများသော နေ့တစ်နေ့၏ အဆုံးတွင် ပုံမှန်အရက်သောက်သုံးသူတို့၏ ဖုံးဖိထားသော အရက်စွဲရောဂါသည် စိတ်အခြေအနေအပြောင်းအလဲမြန်ခြင်း၊ ပင်ပန်းနွမ်းနယ်ခြင်း နှင့်/သို့မဟုတ် မကြာခဏဖျားနာခြင်းတို့ကို ဖြစ်စေနိုင်သောကြောင့် မိသားစုဝင်များ၊ မိတ်ဆွေများနှင့် လုပ်ဖော်ကိုင်ဖက်များအပေါ် ဆိုးဆိုးရွားရွား ထိခိုက်စေနိုင်သည်။ သင်သည် ပုံမှန်သောက်တတ်ပါက တစ်ပတ်လျှင် အရက်မသောက်သည့်ရက် နှစ်ရက်၊ သုံးရက် ထားရှိရန် ရည်ရွယ်ထားသင့်ပြီး အခြားအချိန်များတွင်လည်း ချင့်ချိန်ပြီးသာ သောက်သင့်သည်။ ကျွန်ုပ်တို့တစ်ဦးချင်းအတွက် အရက်နှင့်ပတ်သက်ပြီး ကျွန်ုပ်တို့၏ ရွေးချယ်မှုကို တသမတ်တည်း ရိုးရိုးသားသား သတ်မှတ်လျှင် အဆင်ပြေပါသည်၊ သူတစ်ပါးအား မှီခိုရသည့်ဘဝသို့ တဖြည်းဖြည်းရောက်သွားနိုင်သည်ကို သတိထားပါ။ အရက်သောက်သုံး၍ (AUDIT) ကို ကမ္ဘာ့ကျန်းမာရေးအဖွဲ့ (WHO) မှ ဖန်တီးထားပြီး အရက်သောက်သုံးမှုကို သင်ကိုယ်တိုင် ချင့်ချိန်နိုင်ရန်နှင့် သင့်ကျန်းမာရေးနှင့် သာယာဝပြောရေးအတွက် သွယ်ဝိုက်ပတ်သက်မှုတိုင်းကို သတ်မှတ်ဖော်ထုတ်ရန်အတွက် သင့်အား ကူညီပေးနိုင်ပါသည်။ ဘာသာစကား 40 ကျော်ဖြင့် ။

ပုံမှန်အားဖြင့် တစ်စုံတစ်ခုနဲ့ပတ်သက်ပြီး မကျန်းမမာဖြစ်နေကြောင်း လက္ခဏာများတွင် ပုံမှန်အရက်နာကျတတ်ခြင်း သို့မဟုတ် ဂုဏ်ငယ်တတ်ခြင်း၊ တစ်ယောက်တည်းဖြစ်နေချိန်ဖြစ်စေ၊ သိုသိုဝှက်ဝှက်နေချိန်ဖြစ်စေ မူးယစ်ဆေး သို့မဟုတ် အရက်သေစာ သုံးစွဲခြင်းနှင့် အခြားသော ကိုယ်ရေးကိုယ်တာနှင့် အလုပ်တာဝန်များကို ကျော်ပြီး မူးယစ်ဆေး သို့မဟုတ် အရက်သေစာကို ဦးစားပေးခြင်းတို့ ပါဝင်ပါသည်။ ဤအပြုအမူများထဲမှ တစ်ခုခုကို သတိပြုမိပါက ကျန်းမာရေးစောင့်ရှောက်ပေးသူ သို့မဟုတ် စိတ်ကျန်းမာရေးပညာရှင်နှင့် စကားပြောခြင်းသည် အကူအညီဖြစ်ကြောင်း တွေ့ရပါလိမ့်မည်။ အရက်သေစာနှင့် အခြားသော အပျော်သုံးစွဲသည့် မူးယစ်ဆေးများသည် အချင်းချင်းဓာတ်ပြုနိုင်သလို၊ တစ်ခုမဟုတ် တစ်ခု၏ အာနိသင်ကို လျှော့ချရန် ညွှန်ကြားထားသော ဆေးဝါးများဖြင့် ဓာတ်ပြုနိုင်သည် သို့မဟုတ် မထင်မှတ်ထားသော ပြင်းထန်နိုင်ခြေရှိသည့် ဆိုးကျိုးများကို ဖြစ်စေနိုင်ကြောင်း သတိထားပါ။

7. သင့်ကို ထောက်ပံ့ပေးနိုင်သော မိတ်ဆွေများ၊ မိသားစု၊ လုပ်ဖော်ကိုင်ဖက်များ၊ ရပ်ရွာအဖွဲ့ဝင်များနှင့် ဆက်ဆံရေးကို ထိန်းထားပါ။

ယုံကြည်ရသူများထံမှ ထောက်ခံအားပေးမှုသည် စိတ်ဖိစီးမှုနှင့် မကျန်းမာသောဘဝ၏ အန္တရာယ်ရှိသော အကျိုးသက်ရောက်မှုများကို ကာကွယ်လျော့ပါးစေရန် အရေးကြီးဆုံးအချက်ဖြစ်ပါသည်။ ဝမ်းနည်းစရာကောင်းသည်မှာ ကျွန်ုပ်တို့၏ အလုပ်နှင့် ကိုယ်ပိုင်ရည်မှန်းချက်များ ရှာဖွေမှု၊ စိတ်အားထက်သန်စွာဖြင့် လူမှုကိစ္စ သို့မဟုတ် ပတ်ဝန်းကျင်ကိစ္စတို့ကို အာရုံစိုက်မှု၊ သို့မဟုတ် အလွယ်ပြောရလျှင် အလုပ်ဝန်ပိမှု စသည်တို့ကြောင့် ကျွန်ုပ်တို့ လူများစွာသည် ကျွန်ုပ်တို့၏ ဆက်ဆံရေးများကို လျစ်လျူရှုမိစေနိုင်သည်။ ပိုဆိုးသည်မှာ တစ်ခါတစ်ရံတွင် ကျွန်ုပ်တို့သည် ကျွန်ုပ်တို့ဘဝတွင် စိတ်အချရဆုံးသူများဖြစ်သော-မိတ်ဆွေများ၊ မိသားစုနှင့် လုပ်ဖော်ကိုင်ဖက်များဆီသို့ စိတ်ပျက်စရာများနှင့် စိတ်ထိခိုက်စရာများကို အကျိုးမဲ့ ဆောင်ယူပေးမိတတ်သည်။

သင့်အတွက် အဓိကကျသော ဆက်ဆံရေးများကို ထိန်းသိမ်းစောင့်ရှောက်ရန်မှာ အလွန်အရေးပါလှသည်။ သင်တို့အကြား ပွင့်လင်းမှု၊ ယုံကြည်မှုနှင့် အပြန်အလှန်လေးစားမှုရှိအောင် ကြိုးစားပါ။ သင့်မိသားစုဆက်ဆံရေးများတွင် ပဋိပက္ခများ သို့မဟုတ် စိတ်ဝမ်းကွဲမှုများရှိပါက အန္တရာယ်ရှိသော ဆက်ဆံရေးများမှ သင့်ကိုယ်သင် ကာကွယ်ရန် လို၊ မလိုကို သတိထားစဉ်းစားပြီး ၎င်းတို့ကို ဖြေရှင်းမည်ဟုတ်၊ မဟုတ် နှင့် မည်သို့ဖြေရှင်းမည်ကို သင့်ကိုယ်သင် မေးကြည့်ပါ။ သင်သည် သင်၏ရင်းနှီးသော မိတ်ဆွေများ၊ မိသားစုများနှင့် အနီးကပ်မနေခဲ့လျှင် ထိုသူများနှင့် ပုံမှန်အဆက်အသွယ်လုပ်ပေးခြင်းနှင့် သင့်နေ့စဉ်ဘဝတွင် ၎င်းတို့နှင့် အဆက်အသွယ်ရှိသလို၊ သင်သည်လည်း ၎င်းတို့၏နေ့စဉ်ဘဝတွင် အဆက်အသွယ်ရှိနေသလို ခံစားရအောင် လုပ်ဆောင်ပေးခြင်းကို ဦးစားပေးပါ။ သင့်မိသားစုနှင့် ရပ်ရွာဝန်းကျင်ရှိ ကလေးများနှင့် သက်ကြီးရွယ်အိုများအတွက် တစ်ဦးချင်းအလိုက်ဖြစ်စေ၊ အဖွဲ့လိုက်ဖြစ်စေ အချိန်ပေးနိုင်အောင် ဂရုစိုက်ပါ။

သင်မသိလိုက်ဘဲ သင်၏ဦးစားပေးမှုများသည် သင့်ဆက်ဆံရေးများမှ အဝေးသို့ရောက်မသွားအောင် စစ်ဆေးနိုင်ရန် သင်၏ အလုပ်-ဘဝ ဟန်ချက်ကို ပုံမှန်ဆန်းစစ်ပါက အဆင်ပြေနိုင်ပါသည်။ ပြင်ဆင်မှုရှိပါစေ၊ မိတ်ဆွေများ၊ မိသားစုများနှင့် ဖုန်းဆက် သို့မဟုတ် ရင်းရင်းနှီးနှီးဆက်ဆံနိုင်ရန်အတွက် အချိန်ပိုထားနိုင်အောင် သတိထားအားထုတ်ပါ။ ဆိုရှယ်မီဒီယာ၊ စာတိုမက်ဆေ့ချ်များနှင့် ဗီဒီယိုဖုန်းခေါ်ဆိုမှုများသည် ကျွန်ုပ်တို့အား အဆက်အသွယ်မပြတ်အောင်၊ အဆက်အသွယ်ရှိနေသည်ဟု ခံစားရအောင် ကူညီပေးနိုင်သော်လည်း ဖြစ်နိုင်လျှင် ဒီဂျစ်တယ်ဆက်သွယ်ရေးကို မျက်နှာချင်းဆိုင်တွေ့ဆုံမှုနေရာတွင် အစားမထိုးမိစေရန် ဂရုပြုပါ။

8. သင်၏ကျန်းမာရေးနှင့် သာယာဝပြောရေးအတွက်အပြောင်းအလဲများဖြစ်စေနိုင်သော စိတ်ဖိစီးစေနိုင်သည့်အရာများကို သိရှိနားလည်ထားပြီး စိတ်ဖိစီးမှု လက္ခဏာများနှင့် ရောဂါလက္ခဏာများကို နားလည်သဘောပေါက်အောင် သင့်ကိုယ်သင် လေ့လာသင်ယူပါ။

စိတ်ဖိစီးမှုသည် အမြဲမကောင်းသည် မဟုတ်ပါ။ တစ်ခါတစ်ရံတွင် အချို့စိတ်ဖိစီးမှုသည် ကောင်းနိုင်ပါသည်။ ၎င်းတို့သည် ကျွန်ုပ်တို့ကို အားတက်စေနိုင်ပြီး ပါဝင်လုပ်ဆောင်အောင်၊ အောင်မြင်နိုင်အောင် တွန်းအားပေးနိုင်ပါသည်။ စိတ်ဖိစီးမှုကြောင့် ကျွန်ုပ်တို့ကိုယ်တိုင် စိန်ခေါ်မှုဖြစ်စေနိုင်ပြီး တက်ကြွလာနိုင်ပါသည်၊ ကျွန်ုပ်တို့ကို ကျွန်ုပ်တို့၏ 'စိမ်းလန်းသောနယ်မြေ' တွင် ရှိနေစေခြင်းဖြင့် အပြုသဘောဆောင်ပေးနိုင်ပါသည်။ ကျွန်ုပ်တို့ဘဝတွင် စိတ်ဖိစီးမှု တော်တော်များသည့်အခါ ဝန်ပိခြင်း၊ စိတ်ထိခိုက်ခြင်းတို့ကို ခံစားရနိုင်သည်။ အားတက်မှုအစား - မောပန်းမှုကို - စတင်ခံစားလာရနိုင်ပြီး 'အန္တရာယ်ရှိနယ်မြေ' ထဲ ရောက်သွားနိုင်သည်။

စိတ်ဖိစီးမှု လက္ခဏာများနှင့် ရောဂါလက္ခဏာများသည် - ရုပ်ပိုင်းဆိုင်ရာ၊ စိတ်ခံစားမှုဆိုင်ရာ၊ စိတ်ပိုင်းဆိုင်ရာ၊ အမူအကျင့်ဆိုင်ရာနှင့် ဘာသာရေးသက်ဝင်မှုဆိုင်ရာ ဟူ၍ အမျိုးအစားငါးမျိုး ကွဲသွားသည်။ ရုပ်ခန္ဓာအပိုင်းတွင် သင်သည် နေသာထိုင်သာမရှိ ဖြစ်လာပြီး ခါးကိုက်လာမည်၊ သို့မဟုတ် ဝမ်းဗိုက်ပြဿနာများ ခံစားရနိုင်သည်။ စိတ်ခံစားမှုအပိုင်းတွင် သင်သည် ဒေါသထွက်၊ မျက်ရည်ကျ၊ ကြောက်လန့်တတ်လာနိုင်သည်။ စိတ်ပိုင်းဆိုင်ရာအရ သင်သည် သင်၏အရည်အချင်းကို သံသယဖြစ်စပြုလာနိုင်သည် သို့မဟုတ် အခြားသူများမှ သင့်ကို ဆိုးရွားစွာ ဝေဖန်နေသည်ဟု တွေးထင်စပြုလာနိုင်သည်။ စိတ်ဖိစီးမှု၏ အမူအကျင့်ဆိုင်ရာ သရုပ်သကန်များတွင် မဆင်မခြင်အချိန်ဖြုန်းခြင်း၊ ဆေးလိပ်သောက်ခြင်း၊ အရှိန်လွန်ကားမောင်းခြင်း သို့မဟုတ် လူများကို ရှောင်ခြင်းတို့ ပါဝင်ပါသည်။ ဘာသာရေးသက်ဝင်ယုံကြည်မှု ပျောက်ဆုံးခြင်းလက္ခဏာများတွင် သင်၏သက်ဝင်မှု သို့မဟုတ် ယုံကြည်မှုစနစ်ကို မေးခွန်းထုတ်ခြင်း၊ ဘာသာရေးအလေ့အထများ ဖြတ်တောက်ခြင်း သို့မဟုတ် သင်၏ကျင့်ဝတ်စည်းကမ်းများကို ဖောက်ဖျက်ခြင်းတို့ ပါဝင်ပါသည်။

ဤအပိုင်းတစ်ခုခုရှိ အပြောင်းအလဲများသည် ကျွန်ုပ်တို့ကျန်းမာရေး၊ သာယာပျော်ရွှင်မှုတို့ ယိုယွင်းလာကြောင်း ပြသနိုင်ပါသည်။ အချိန်ကြာလာသည့်အခါ သင့်တော်သလို ချိန်ညှိမှုများမရှိတော့ဘဲ ကိုင်တွယ်ဖြေရှင်းမှုစွမ်းရည် ဆုတ်ယုတ်လာသည်။ ဤသည်မှာ မနှစ်မြို့ဖွယ်ကောင်းသော၊ ကြောက်စရာပင်ကောင်းသော ရောဂါလက္ခဏာများ ဖြစ်စေနိုင်ပြီး ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ကျန်းမာရေးချို့ယွင်းမှုများ အတိုင်းအတာတစ်ခုအထိ ဖြစ်စေနိုင်ပါသည်။ နောက်ဆုံးတွင် ကျွန်ုပ်တို့ကို နာမကျန်းဖြစ်စေ၍ 'အနီရောင်နယ်မြေ' ထဲသို့ တွန်းပို့နိုင်သည်။

မတူညီသည့်နယ်မြေများထဲတွင် သင်မည်သို့မည်ပုံဖြစ်နေမည်၊ မည်သည့်စိတ်ဖိစီးမှုဖြစ်စေသည့်အရာများက သင့်ကို အန္တရာယ်ရှိ သို့မဟုတ် အနီရောင်နယ်မြေထဲ ရောက်စေနိုင်မည်ကို တွေးတောကြည့်ပါ။ သင်သည် အန္တရာယ်ရှိနယ်မြေထဲသို့ ရောက်သွားပါက တစ်ခုခုကို ချက်ချင်းလုပ်ဖို့ အရေးကြီးပါသည် – အနီရောင်နယ်မြေထဲ ရောက်သည်အထိ စောင့်မနေပါနှင့်၊ ထိုနယ်မြေတွင် ပြန်လည်ကျန်းမာရန် ပို၍များစွာ ခက်ခဲပါသည်။ ဥပမာအားဖြင့် စိတ်ဓာတ်ကျခြင်း၊ စိုးရိမ်ကြောင့်ကြခြင်းအပါအဝင် စိတ်ဖိစီးမှုနှင့် အခြားသော စိတ်ပိုင်းဆိုင်ရာနှင့် ရုပ်ပိုင်းဆိုင်ရာ ကျန်းမာရေးစိုးရိမ်ပူပန်မှုများနှင့်အတူ သတိပေးလက္ခဏာများကို သိရှိဖို့ အရေးကြီးပါသည်။ သင်၏အိပ်စက်မှု၊ အစားစားချင်စိတ်၊ စိတ်ခံစားချက်နှင့် လုပ်ငန်းဆောင်တာတို့တွင် မကောင်းသောပြောင်းလဲမှု တစ်ခုခုကို သတိထားပါ။ အိပ်စက်မှု၊ ဓာတ်စာ၊ လေ့ကျင့်ခန်း၊ တရားထိုင်ခြင်း၊ မူးယစ်ဆေးနှင့်အရက်သေစာ ရှောင်ကြဉ်ခြင်းနှင့် ရင်းနှီးသော မိတ်ဆွေများ၊ မိသားစုများနှင့် အဆက်အသွယ်မပြတ်ရှိခြင်းတို့နှင့်ပတ်သက်သော အထက်ပါ မိမိကိုယ်ကိုစောင့်ရှောက်ရေးလမ်းညွှန်အတိုင်း လိုက်နာပါ။ စိုးရိမ်ပူပန်စရာတစ်ခုခုရှိပါက ကျန်းမာရေးစောင့်ရှောက်ပေးသူ သို့မဟုတ် စိတ်ကျန်းမာရေးပညာရှင်နှင့် တတ်နိုင်သမျှ အမြန်ဆုံး ပြောဆိုပါ။